20, 21 may 2023-cü il tarixində Education HUB “Jurnalistlər və blogerlər üçün Sosial Sahibkarlıq” təlimi həyata keçirib.
Təlim Dövlət Məşğulluq Agentliyi ilə əməkdaşlıqda Avropa Vençur Filantropist Assosiasiyasının “Dəyər üçün əməkdaşlıq” proqramı çərçivəsində reallaşıb. Proqram Avropa İttifaqının maliyyə dəstəyi ilə həyata keçirilir və Azərbaycanda rəsmi tərəfdaş Education HUB-dır.
Təlim çərçivəsində media sahəsində tanınmış jurnalist və blogerlər Sosial Sahibkarlıqla bağlı yeni biliklər əldə ediblər. İştirakçılar Sosial Sahibkarlığın tarixi, sosial biznes modelləri, innovativ və dizayn əsaslı yanaşma haqqında öyrəniblər.
Təlim zamanı iştirakçılar marketinq, idarəetmə, hekayə söyləmə, sosial biznesin brendləşməsi habelə, sosial media idarəetməsinin əsasları ilə tanış olublar.
İştirakçılar 2 günlük təlim zamanı öyrəndikləri nəzəri və praktiki bilikləri sonda post-test vasitəsilə yoxlayıblar. Sonda iştirakçılara layihənin promo məhsulları təqdim edilib.
Media nümayəndələrinin Sosial Sahibkarlığın daha fəal təşviq olunmasına dəstək üçün “Jurnalistlərin əlaqələndirmə qrupu” yaradılıb. Qrup nümayəndlərinin iştirakı ilə yaxın aylarda Sosial Sahibkarlıq müəssisələrinə tanışlıq səfərləri planlaşdırılıb.
En