Education HUB-ın Azərbaycanın müxtəlif bölgələrindən olan məzunları üçün ABŞ-ın Humphrey proqramının məzunu, PhD, PMP Vüsal Həsənovun rəhbərliyi ilə “Layihələrin İdarə Olunmasının əsasları” mövzusunda intensiv təlimləri yekunlaşıb.
ABŞ-ın Humphrey proqramının məzunu Azər Nəzərov iştirakçılara "Sosial Layihələrdə Kommunikasiya" modulu üzrə təlim keçib. Daha sonra iştirakçılar Vüsal Həsənov tərəfindən "Layihələrin yekunlaşdırılması" modulu üzrə biliklərə yiyələnməkdə davam ediblər. Sonda iştirakçılara sertifikatlar təqdim olunub və ABŞ səfirliyi tərəfindən yaradılan imkanlar barədə məlumat verilib.
Təlim PMBOK® Bələdçisinə əsaslanır. Təlimi müvəffəqiyyətlə başa vuran iştirakçılar Layihə İdarəetməsində (Lİ) yaxşı təcrübəni əsaslandıran əsas anlayışları öyrənəcək, müvafiq Lİ alətləri və platformalarını müəyyən edib istifadə edə biləcək, layihənin yüksək performansı üçün nəticələrə əsaslanan layihə monitorinqi planını hazırlaya və qura biləcəklər. Həmçinin hədəf auditoriya üçün effektiv layihə ünsiyyət planı haqda məlumat əldə edəcəklər.
Təlimlərin təşkilində göstərdikləri dəstək üçün ABŞ-ın Bakıdakı səfirliyinə xüsusi təşəkkür edirik.
U.S. Embassy Baku / ABŞ-ın Azərbaycandakı Səfirliyi
Az
En