Nuray Kazımlı Türkiyə Dəyanət Vəqfi Bakı Türk Liseyinin 11-ci sinif şagirdidir. O, müxtəlif olimpiadalarda - Kenquru Beynəlxalq Riyaziyyat Müsabiqəsində, Lütfi Zadə adına Məktəblərarası I Məntiq Olimpiadasında, Respublika Fənn Olimpiadalarında və s. yüksək nəticələr göstərərək riyaziyyat üzrə biliklərini nümayiş etdirib. O, həmçinin 2021-ci ilin yayında İqtisadiyyat və Sosial İnkişaf Mərkəzi(İSİM)nin Təcrübə Proqramında iştirak edib. Təcrübə zamanı o, Sosial Elm Tədqiqat Şəbəkəsində dərc olunan “COVID-19 Pandemiyasının Azərbaycanda Aviasiya Sektoruna Təsirlərinin Qiymətləndirilməsi” mövzusunda akademik tədqiqat işi yazıb. Bundan əlavə, İSİM-də öz dəyərli təcrübəsindən istifadə edərək “Zəngəzur dəhlizi: Region üçün yeni iqtisadi inkişaf imkanları” mövzusunda daha bir araşdırma yazısı yazıb və noyabrın sonunda “Gənc Tədqiqatçı” jurnalında dərc olunacaq.
O, Education HUB Azərbaycanda “Tədbirlər üzrə əlaqələndirici” kimi könüllü olaraq və bu mərkəzin bir sıra proqramlarında iştirak etməklə təcrübə toplayır. Bu proqramların birində o, küçə musiqiçilərinə qarşı qərəzliyi aradan qaldırmaq məqsədi daşıyan “Küçə Mədəniyyəti” layihəsinin həyata keçirilməsində diqqətəlayiq performans nümayiş etdirib. O, məcburi köçkün qadınlara peşə bacarıqlarını öyrənmək imkanı verən təşkilatın rəhbəridir. Qadınlar bu bacarıqları öyrəndikdən sonra ekoloji çantalar hazırlayır və məcburi köçkün qadınları satışdan əldə olunan gəlirlə əmək haqqı ilə təmin edilir. Bundan əlavə, Nuray Rəqabətli Kollec Klubunun fəal üzvlərindən biridir. O, Amerika Birləşmiş Ştatlarında iqtisadiyyat üzrə təhsil almaq niyyətindədir.
Məqalənin ingiliscə versiyası:
Az
En