Bugün, COP29-un Mavi Zonasında Ticarət və İnvestisiya Evi, "Sosial və Soliderlik İqtisadiyyatı (SSE): Ədalətli Yaşıl Keçidə Dəstək" mövzusunda önəmli bir tədbirə ev sahibliyi edib. BMT-nin Ticarət və İnkişaf Konfransı (UNCTAD) və SSE üzrə BMT Agentlikləri Arası İstiqamət Qrupunun təşkil etdiyi bu tədbir, məşhur mütəxəssisləri, siyasətçiləri və praktikləri bir araya gətirərək SSE-nin Dayanıqlı İnkişaf Məqsədləri (SDGs) və iqlim böhranı ilə mübarizədəki əhəmiyyətini müzakirə edib.
Tədbirdə, SSE hərəkatının çevik potensialı vurğulandı və kooperativlər, sosial müəssisələr və BioTicarət təşəbbüslərinin iqlim tədbirləri, bərpa olunan enerji, davamlı kənd təsərrüfatı və ədalətli ticarət tətbiqlərinə necə dəstək verdiyi nümayiş olundu. İştirakçılar SSE-nin davamlı və inklüziv bir gələcək yaratmaq üçün necə yollar açdığını öyrəndilər.
Education HUB ekspertləri, Nurana Məmmədova, son 8 il ərzində Education HUB-un fəaliyyətlərini və SSE-nin ədalətli yaşıl keçidi dəstəkləmək və qlobal davamlılıq məqsədləri ilə uyğunluğunu vurğuladı. O, xüsusilə Azərbaycanda SSE ekosistemini dəstəkləmək üçün Impact Fonda-nın qurulmasının əhəmiyyətini qeyd etdi. ILO, ADB, UNSTAD və digər təşkilatların nümayəndələri BMT-nin SSE-nin Dayanıqlı İnkişaf Məqsədlərinin həyata keçirilməsindəki kritik rolunu tanıyan qətnaməsinin əhəmiyyətini vurğuladılar.
Tədbirdəki müzakirələr, SSE-nin ədalətli yaşıl keçidin təmin olunmasındakı əhəmiyyətini bir daha təsdiqlədi. COP29 davam edərkən, davamlı təcrübələrin təşviq edilməsi və bərabər böyümənin dəstəklənməsi qlobal fəaliyyətin önündə dayanır.
Az
En