“Ucqar bölgələrdə incəsənət alətlərinin tətbiqinin inkişaf etdirilməsi” layihəsinin təlimləri uğurla davam edir.
Təşəbbüs Avropa İttifaqı tərəfindən maliyyələşdirilən Şərq Tərəfdaşlığı Vətəndaş Cəmiyyəti Təqaüd proqramı (Eastern Partnership Civil Society Facility) çərçivəsində həyata keçirilir.
Təhsil sahəsində ixtisaslaşan Education HUB tərəfindən Peşə Təhsili üzrə Dövlət Agentliyi ilə əməkdaşlıqda 2023-cü ilin fevral-sentyabr aylarında Qəbələ Dövlət Peşə Təhsil Mərkəzi və İsmayıllı Dövlət Peşə Təhsil Mərkəzində “Ucqar bölgələrdə incəsənət alətlərinin tətbiqinin inkişaf etdirilməsi” təşəbbüsü həyata keçirilir.
27 may tarixində Qəbələ, 28 may tarixində isə İsmayıllı DPTM-də iştirakçılar üçün “Ünsiyyət bacarıqları” adlı növbəti təlim həyata keçirilib. Təlimçi Sevinc Nəbizadə iştirakçılara ünsiyyət bacarıqları, bədən dili, NVC model, ünsiyyətdə Sendviç modeli və layihə idarəetməsi zaman yaranan problemlər və onların həll yolları barədə məlumat verib. İştirakçılar praktiki tapşırıqlar vasitəsilə qrup və fərdi şəkildə işləyərək tətbiq edərək öyrəniblər.
Təşəbbüsün əsas məqsədi gəncləri layihələrin idarəolunmasına hazırlamaq və icma layihələri konsepsiyalarının öyrədilməsi, həmçinin incəsənət vasitələrindən istifadə etməklə sosial layihə idarəçiliyinə hazırlamaqdır.
Az
En