“Ucqar bölgələrdə incəsənət alətlərinin tətbiqinin inkişaf etdirilməsi” proqramının 2-ci təlim həftəsi yekunlaşıb.
Təşəbbüs Avropa İttifaqı tərəfindən maliyyələşdirilən Şərq Tərəfdaşlığı Vətəndaş Cəmiyyəti Təqaüd proqramı
(Eastern Partnership Civil Society Facility) çərçivəsində həyata keçirilir.
Təhsil sahəsində ixtisaslaşan Education HUB tərəfindən Peşə Təhsili üzrə Dövlət Agentliyi ilə əməkdaşlıqda 2023-cü ilin fevral-sentyabr aylarında Qəbələ Dövlət Peşə Təhsil Mərkəzi və İsmayıllı Dövlət Peşə Təhsil Mərkəzi də həyata keçirilən “Ucqar bölgələrdə incəsənət alətlərinin tətbiqinin inkişaf etdirilməsi” təşəbbüsünün icrası uğurla davam edir.
22 aprel tarixində Qəbələ, 23 aprel tarixində isə İsmayıllı DPTM-də layihə iştirakçıları üçün “Yaradıcı və tənqidi təfəkkür, Komanda quruculuğu” adlı növbəti təlim baş tutub. Təlim beynəlxalq təlimçi Zərif Bəkirova tərəfindən keçirilib. Təlim müddətində iştirakçılar effektiv komanda yaratmaq üçün alətlərlə tanış olub, komanda şəklində işləyərək öz bacarıqlarını analiz ediblər. Təlimin 2-ci hissəsində iştirakçılar təfəkkürün növləri ilə tanış olub, yaradıcı təfəkkür haqqında ətraflı məlumat əldə ediblər. Təşkil olunan fəaliyyət çərçivəsində onlar öz yaradıcılıqlarını istifadə edərək müxtəlif təkliflər irəli sürüblər. Təlim sessiyalarının 2 ay müddətində davam etdirilməsi nəzərdə tutulub.
Təşəbbüsün əsas məqsədi gəncləri layihələrin idarəolunmasına hazırlamaq və icma layihələri konsepsiyalarının öyrədilməsi, həmçinin incəsənət vasitələrindən istifadə etməklə sosial layihə idarəçiliyinə hazırlamaqdır.
En