"Yarat, İnkişaf et, Töhfə ver (Gənclərin inkişaf yolu)" layihəsinin bağlanış mərasimi keçirilib. Mərasim zamanı layihə müddətində təşəbbüs komandaların həyata keçirdiyi fəaliyyətlər ictimaiyyətə təqdim edilib. Bundan əlavə tədbirdə İntern Akademiya və Art terapiya haqqında da məlumat verilib.
Tədbirdə iştirak edən KAF vitse prezidenti, AR QHTlərə Dövlət Dəstəyi Agentliyinin Müşahidə Şurasının üzvü Zaur İbrahimli, AR Prezidenti yanında Gənclər Fondunun direktor müavini Qədir Xəlilov da layihə ilə bağlı öz təəssüratlarını bölüşmüş və bu cür layihələrin davamlı olmasının vacibliyini vurğulayıb. Tədbirdə iştirak edən millət vəkili Vüqar Bayramov Azərbaycanda gənclər siyasəti, gənclər üçün yaradılmış imkanlar barədə öz fikirlərini paylaşıb.
UNİCEFin Azərbaycandakı nümayəndəliyinin müavini xanım Min Yuan da öz çıxışı zamanı bu cür təşəbbüslərin keçirilməsinin təqdirə layiq olduğunu vurğulamış və UNİCEFin gələcəkdə belə layihələrin keçirilməsində hər zaman hazır olduğunu qeyd etmişdir. Layihəni uğurla başa çatdıran gənclər diplomlarla mükafatlandırılıb.
“Yarat, inkişaf et, töhfə ver (Gənclərin İnkişaf yolu)” Avropa İttifaqının maliyyə dəstəyi, Gənclər və İdman Nazirliyi, UNİCEF Azərbaycan və Azərbaycan Respublikası Gənclər Fondunun tərəfdaşlığı ilə Konstitusiya Araşdırmalar Fondu və Education HUB tərəfindən icra olunub.
Az
En