“Azərbaycan Hökuməti və BMT-nin birgə gənclər üçün xidmətlər təşəbbüsü” proqramı çərçivəsində Konstitusiya Araşdırmalar Fondu və “Education HUB” tərəfindən icra olunan “Yarat, inkişaf et, töhfə ver” layihəsinin Şəmkir, Qazax və Mingəçevir iştirakçıları üçün Şəmkir Gənclər və Karyera mərkəzində ART Terapiya təlimləri təşkil olunub. Təlimi uğurla başa vuran iştirakçılar COVİD-19 pandemiyasından və müharibədən əziyyət çəkən uşaqlara psioloji dəstək verərək art terapiyası üzrə məşğələlər təşkil edəcəklər. Təlimlər zamanı iştirakçılar incəsənət vasitəsilə qorxuların aradan qaldırılması, psixoloji dəstək, fövqəladə vəziyyətlərdə - müharibə epidemiya, təbii və texnogen qəzalar zamanı insan psixikasının reaksiyaları haqda öyrənərək və onların aradan qaldırılması üsullarını araşdırıblar. Təlimçilər - Aynur Zərrintac (Ritual Mobil Theater Laboratory) və Asəf Kərimov nəzəri və praktik məşğələlər əsasında yeni bilik və metodlar paylaşıblar.
“Yarat, inkişaf et, töhfə ver” layihəsinin məqsədi incəsənət vasitələrindən istifadə etməklə gənclərin icmalarda fəaliyyətini artırmaq, yeni bilik və bacarıqlar aşılamaq, yaradıcı və innovativ sosial təşəbbüslərin həyata keçirilməsinə dəstək vermək, onları gələcəkdə sosial layihələrin idarəçiliyinə hazırlamaqdır.
Layihə Avropa İttifaqının (Delegation of the European Union to Azerbaijan) maliyyə dəstəyi, Gənclər və İdman Nazirliyi, Unicef Azerbaijan və Azərbaycan Respublikası Gənclər Fondunun tərəfdaşlığı ilə Konstitusiya Araşdırmalar Fondu və Education HUB tərəfindən həyata keçirilir.
En