22 Fevralda Yarat…Inkişaf et…Töhfə ver… layihəsinin nəticələrinə dair İctimai Təqdimat keçirilib.
Layihəyə Azərbaycanın 6 bölgəsindən - Binəqədi, Xəzər rayonları, Mingəçevir, Şəmkir, Biləsuvar və Qazaxdan olan 150 gənc (120 iştirakçı və 30 mentor) cəlb olunub. Layihə nəticəsində iştirakçılar gender bərabərliyi, ətraf mühitin qorunması, inkluziya, gənclərin asudə vaxtının təşkili, təhsil, oxu vərdişlərinin artırılması, sağlamlıq üçün idman və s. mövzularda 31 yerli təşəbbüs həyata keçirmişlər. Qeyd edilən regionlardan 1500-dən artıq gənc sakin təşəbbüslərin birbaşa, 4000-dən artıq sakin isə dolayısı yolla faydalanıb.
Tədbir zamanı qonaqlar layihənin vacibliyini vurğulayaraq bu istiqamətdə fəaliyyətlərin davam olunmasını qeyd ediblər. 6 regiondan olan iştirakçılar və mentorlar həyata keçirdikləri təşəbbüs layihələrini müxtəlif incəsənət vasitələrindən istifadə edərək izləyicilərin diqqətinə çatdırıblar.
“Yarat... İnkişaf Et və Töhfə ver" layihəsinin məqsədi region gənclərinin, xüsusilə də qızların, şəxsi inkişafına imkanlar yaratmaq, incəsənət alətlərindən istifadə etməklə yerli təşəbbüslər həyata keçirərək icma inkişafında fəal iştirakçılığı təmin etmək üçün yeni perspektivlər verməkdir.
Layihə Avropa Ittifaqının maliyyə dəstəyi, Gənclər və İdman Nazirliyi, UNİCEF-in Azərbaycandakı Nümayəndəliyi və Azərbaycan Respublikası Gənclər Fondunun tərəfdaşlığı ilə Konstitusiya Araşdırmalar Fondu və Education HUB tərəfindən həyata keçirilib.
Az
En